Ndryshohen nga koalicioni “Bashkë Fitojmë” kryetarët dhe sekretarët e komisioneve në qendrat e votimit për qarkun e Korçës.
Kur kanë mbetur më pak se 15 orë nga nisja e procesit të votimit për zgjedhjet lokale të 14 majit, burime nga 7 KZAZ -të e Qarkut Korçë, bëjnë të ditur se në momentet e fillimit të shpërndarjes se materialeve zgjedhore për Qendrat e Votimit, ka pasur ndryshime të shumta për kryetarët dhe sekretarët e QV-ve të cilët janë propozuar nga koalicioni Berisha-Meta.
Sipas të dhënave, në disa prej rasteve bëhet fjalë për dorëheqje dhe mos paraqitje të tyre në KZAZ, për të tërhequr materialet zgjedhore.
Ndërsa në raste të tjera me zëvendësime të minutës së fundit nga vetë koalicioni pa dhënë detaje mbi shkaqet e këtyre ndryshimeve.
Nuk dihet saktësisht nëse do të ketë mungesa të komisionerve ditën e nesërme në votim, por kjo gjë pritet të mësohet në momentet e nisjes së procesit të votimit.
