Muhamed, Mentar, Ylber, Agim dhe Ilirjan Darova për shkak të prejardhjes së tyre familjare e më tepër për muzikën qe ata ofronin pësuan një kalvar të gjatë vuajtjesh.
Gjyshi i tyre Sulejman Starova për shumë vite ka qenë ministri i financave në periudhën e mbretit Zog, ndërkohë që Ylber Darova, vëllai i vogël i familjes ishte vetëm 17 vjeç kur është arrestuar dhe dënuar me 101 vite burg, arrestim që i ka kushtuar familjes e cila nga regjimi dëbohet në fshatin e rrënjëve të tyre në Starovë të Pogradecit.
Jovan Shuke muzikant i njohur në Pogradec tregon se 5 vëllezërit Darova edhe kur u vendosën me banim në Starovë filluan të luanin muzikë në lokalet e këtij qyteti.
Vëllezërit luanin muzikë të njohur latine por dhe europiane. Piktori Anastas Kostandini tha se ata ishin shumë të pëlqyer për kohën.
Vëllezërit Darova nuk mund të vazhdonin gjatë të luanin muzikë perëndimore as në lokalet e Pogradecit pasi një këngë rumune e kënduar prej tyre në një darkë ku ishte i pranishëm ish kryeministri i vendit Mehmet Shehu do u kushtonte shumë 4 vëllezërve të kësaj familje të cilët regjimi do t’i shpërndante në qytete të ndryshme të vendit, njërin të cilin e internojne në sektorin e sharrave në Bishnicë të Mokrës
