Sulmuesi vjen nesër te Skënderbeu…!
Në seancë stërvitore të nesërme do të paraqitet edhe Suhejlj Muharem që tashmë ka firmosur me bardhekuqtë.
Skënderbeu po pritet të mbushet nga dita në ditë dhe sot vjen një tjetër futbollist. Bëhet fjalë për Suhejlj Muharem, lojtar që ka firmosur me Skënderbeun po erdhi dita që të dalë në stërvitje dhe këtë gjë do ta bëjë pikërisht sot.
Futbollisti që akoma nuk ka mbushur 22 vjeç, ka qenë pjesë e kombëtareve të moshave të Maqedonisë që në moshën 17-vjeçare deri 21 vjeç. Struga ka qenë ekipi maqedonas që luante Muharem si sulmues krahu, ndërkohë që këtë sezon që kaloi shënoi 3 gola edhe pse ka luajtur në 15 ndeshje dhe plot 683 minuta.
Muharem ka nisur karierën me Shkupin. Më pas kaloi te Renova po në Maqedoni, për t’u rikthyer sërish te Shkupi. Dy vite më parë ka qenë pjesë e Rabotniçkit, ku qëndroi pak kohë dhe që më 1 shtator të 2021-it deri në këto momente ka qenë pjesë e Strugës.
Skënderbeu do të fillojë të mbushet nga dita në ditë dhe tifozët duhet të presin deri nesër për të parë edhe sulmuesin maqedonas.
