Përgjatë një konflikti midis disa bashkëfshatarëve në fshatin Buçimas të Pogradecit kanë mbetur të lënduar 2 persona.
Ndërkohë dy të tjerë po procedohen, pasi të dy në bashkëpunim kanë goditur me grushta personat e lënduar.
Fatmirësisht janë jashtë rrezikut për jetën, pas marrjes së mjekimeve në spitalin e Pogradecit të dy personat ndodhen në banesat e tyre.
Njoftimi i policisë;
DVP Korçë/Procedohen në gjendje të lirë 2 shtetas, për veprën penale të dhunës
-Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi penal në gjendje të lirë për shtetasit O. D., 35 vjeç dhe V. D., 39 vjeç, banues në fshatin Buçimas, Pogradec, pasi në fshatin Gështenjas, në një lokal, për motive të dobëta, dyshohet së kanë goditur me grushte dhe mjete të forta shtetasit E. D. dhe D. D., të cilët pasi morën mjekim në spitalin e Pogradecit, u larguan në banesë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
