Më shumë se 1000 vizitorë kanë qenë gjatë një jave në Muzeun Kombëtar të Artit Mesjetar dhe Muzeun e Arsimit në Korçë. Bëhet fjalë kryesisht për turistë të huaj, por nuk kanë munguar edhe shqiptarët e Kosovës e ata të Maqedonisë së Veriut.
Këtë javë është çelur edhe sezoni i ri turistik për muzeumet e Korçës, ku për ti shërbyer sa më mirë vizitorëve ato do të jenë të hapura çdo ditë nga ora 9.00 deri në 19.00.
Muzeu Kombëtar i Artit Mesjetar, por edhe Muzeu i Arsimit në Korçë përmbajnë vlera të mëdha e objekte mjaft interesante për turistët vendas e të huaj. Në të dyja këto muzeume janë të shpeshta rastet kur turistët rikthehen për ti vizituar përsëri.
