Policia ka arrestuar ditën e sotme sekretaren e përgjithshme të Ministrisë së Shëndetësisë, shtetasen me iniciale Joana Duro.
Vënia e saj në pranga është bërë me urdhër të SPAK. Gjithashtu, në pranga është vënë edhe një tjetër zyrtare, Laura Shteto.
Sipas raportimeve në media, dy zyrtaret akuzohen për veprën penale të korrupsionit. Policia nuk ka dhënë ende informacion mbi këto arrestime.
Ndërkohë, kryeministri Edi Rama deklaroi pak më parë se është kapur në flagrancë duke marrë para një sekretare e Përgjithshme.
Kreu i qeverisë nuk tregoi emrin e sekretares dhe as institucionin ku ajo punon.
