Dita Ndërkombëtare e Pyjeve 21 marsi është përkujtuar përmes një nisme për pyllëzimin e një zone te kodrat e qytetit të Korçës.
Ka qenë Qendra për Hapje dhe Dialog COD në bashkëpunim me të rinj të bashkisë së Korçës, studentë dhe Korça Alpin të cilët kanë mbjellë rreth 150 fidanë me synimin për korigjuar masakrën që është bërë në këtë zonë në fillim të viteve ’90.
Mbjelljet janë kryer rreth zonës së rezervuarit, me synimin për ta pyllëzuar, pasi kjo zonë është mjaft e frekuentuar edhe nga dashamirësit e natyrës dhe malit.
