Pasi ka mbledhur ujërat e Rrungajës që nga Fushat e Bukura, më poshtë ato të Lugut, Tolabës dhe malit të Çingasit, ka gërryer kanionin e tij të parë nëpër Rripën e Keqe dhe më pas kalon poshtë Urës të Madhe, mbush me ujë Gjançin, çan mespërmes Fushës të Leshnjës e poshtë nëpër një cep të Kolonjës ku bashkohet me Përroin e Kozelit nën Helmës, me atë të Selenicës pak më poshtë, pastaj të Gostivishtit dhe në fund, atje ku takon Lumin e Borovës merr kthesën e fortë drejt perëndimit ku me atë rast i hap Skraparit edhe disa kanione të tjera rrugës .
Në fund hijeshon Beratin dhe rrethinat e tij deri atje ku pret kushëririn e tij të parë Devollin pak më poshtë që së bashku të krijojnë Semanin.
Këtë fundjavë, së bashku me një grup miqsh vendas dhe të huaj, vizituam kanionin e parë të tij. Nga poshtë Vithkuqit e deri tek Shpella e Pëllumbave ku ngjitja e mëtejshme bëhet e pamundur në mungesë të mjeteve ndihmëse. Është shëtitje shumë e bukur dhe si çdo gjë e bukur, natyrisht që edhe pak e vështirë.
Vetëm 25 minuta me makinë nga Korça dhe ecja sipas mundësisë dhe dëshirës.
Nga Ardit Konomi
