Leskoviku priti një vizitë të veçantë nga një prej njohësve dhe kritikëve më të mëdhenj të verës në botë, Darrel Joseph, shkrimtar i revistës prestigjioze Decanter, autor në Wine Spectator dhe gjyqtar në Decanter World Wine Awards.
Me dekada përvojë në eksplorimin e territoreve unike të Evropës dhe Ballkanit, Joseph mbërriti në zemër të Leskovikut për të njohur nga afër verërat e Max Mavrud, një kantinë që po fiton gjithnjë e më shumë vlerësime për cilësinë dhe karakterin e saj.
Vizita e tij përbën një vlerësim të madh për punën dhe pasionin e prodhuesve të Max Mavrud, duke e vendosur kantinën në hartën ndërkombëtare të verës dhe duke i dhënë jehonë potencialit të jashtëzakonshëm të këtij territori shqiptar.
Ky është një hap i rëndësishëm për promovimin e verës shqiptare në botë dhe një mesazh inkurajues për gjithë prodhuesit vendas që investojnë në cilësi dhe traditë.
