Komisioni i Disiplinës në FSHF ka marrë masa të ashpra ndaj KF Iliria pas akteve të dhunës të ndodhura në ndeshjen e papërfunduar ndaj KF Skënderbeu.
Sipas vendimit zyrtar, KF Iliria dënohet me 500 mijë lekë gjobë, ndërsa të gjitha ndeshjet e mbetura të sezonit 2025–2026 do t’i zhvillojë në një fushë asnjanëse, të paktën 50 km larg stadiumit “Redi Maloku”. Gjoba aplikohet në masën 50%, në bazë të nenit 76 të KDE-së.
Po ashtu, në zbatim të nenit 6/3/k, është vendosur që ndeshja Iliria–Skënderbeu të riluhet më 17 dhjetor 2025, në “Elbasan Arena”, në orën 13:30.
Disiplina ka goditur edhe individët përgjegjës për dhunën:
Adolf Selmani – 4 ndeshje pezullim
Brajan Selmani – 4 ndeshje pezullim
Bruno Arrabal – 4 ndeshje pezullim
Jonels Selmani (zyrtar) – 4 ndeshje pezullim
Të gjithë të dënuarit janë penalizuar në bazë të nenit 14/1/i të Kodit të Disiplinës së FSHF-së.
Ky është një nga vendimet më të forta disiplinore të këtij sezoni, duke theksuar tolerancën zero ndaj dhunës në futboll.
