Gjykata e Posaçme ka dënuar me 3 vite burg për shpërdorim detyre ish-kryebashkiakun e Kukësit Safet Gjicin dhe me 1 vit heqje lirie shtetasen Alma Kaçi për prostitucion. Gjicit i zbret 1/3 e dënimit nga gjykimi i shkurtuar dule u dënuar përfundimisht me 2 vite heqje lirie. Togat e zeza të Gjykatës së Posaçme ndryshuan akuzën ndaj Gjicit nga korrupsion pasiv në shpërdorim detyre.
Ndërkohë edhe për Alma Kaçin, ndryshoi nga korrupsion aktiv në prostitucion teksa dënimi prej 1 viti e 6 muajsh i zbret përfundimisht në 1 vit për shkak të gjykimit të shkurtuar.
Sipas Prokurorisë Speciale SPAK, Safet Gjici ka përfituar favore seksuale nga Kaci, duke i premtuar kësaj të fundit një projekt për qentë, ndërsa kjo e fundit ja ka ofruar favoret, përderisa kryen marrëdhënie seksuale në zyrën e punës së kryebashkuiakut.
Para shpalljes së vendimit, ish-kryebashkiaku kërkoi pafajësi gjatë konkluzioneve të mbrojtjes duke pretenduar se nuk ka shkelur asnjë ligj, ndërsa i kërkoi falje familjes.
“Unë kam marrë dënimin më të madh, dënimin moral. U kërkoj falje familjarëve të mi dhe qytetarëve të Kukësit”, tha Gjici.
Safet Gjici u arrestua më 24 qershor pas video-skandalit ku ai shihet teksa kryen marrëdhënie intime me Alma Kaçin. Pas aktit seksual Kaçi i ka kërkuar ish-kryebashkiakut favore në lidhje me një tender për ngritjen e një strehimi për qentë.
