Në prag të derbit të juglindjes, ku e gjithë vëmendja e Kategorisë së Parë do të jetë e fokusuar këtë të premte në orën 16:00 në stadiumin e Pogradecit, liqenorët kanë bërë tre prezantime të reja.
Skuadra pogradecare ka afruar sulmuesin Gabriel Okeçuku (30 vjeç), sulmuesin Norik Krasniqi (25 vjeç) dhe mesfushorin Majkëll Babatunde (32 vjeç), të cilët prej kohësh janë pjesë e ekipit, por tashmë janë prezantuar zyrtarisht si përforcime të rëndësishme për sezonin. Klubi u ka uruar suksese tre lojtarëve, duke shpresuar se kontributi i tyre do të ndihmojë skuadrën në rrugëtimin drejt objektivave.
Historiku i përballjeve mes Pogradecit dhe Skënderbeut nuk është në favor të liqenorëve. Në dy dekadat e fundit, ata nuk kanë arritur asnjë fitore apo barazim ndaj korçarëve, qoftë në Pogradec apo në stadiumin “Skënderbeu”.
Ndeshja e fundit mes tyre u luajt në nëntor të vitit 2020 për Kupën e Shqipërisë, ku korçarët kane triumfuar.
