Freknlin nga Skënderbeu te Astana, detaje nga zyrtarizimi i transferimit të sulmuesit dhe si përfiton klbubi korçar.
Frenklin, sulmuesi kryesor i Skënderbeut u shit tek kazakët e Astanës për një shumë fillestare prej 450 mijë eurosh, një transferim i futbollistit ky që erdhi si i papritur, por i nevojshëm për financat e klubit korçar.
Sulmuesi është shitur për 450 mijë euro, shumë që edhe mund të vijë në rritje, duke u mbështetur edhe te bonuset e përcaktuara në kontratë. Bonuse që kanë të bëjnë me ndeshjet e luajtura si titullar nga Frenklin, golat e shënuar dhe plotësimin e objektivave sezonalë të ekipit kazak.
Të gjitha këto do të përkthehen në të ardhura shtesë për Skënderbeun, në rast se realizohen si pika kontrate. Nga ana tjetër, sikundër ndodh edhe në transferimet e tjera të klubit bardhekuq, Skënderbeu ka mundur të mbajë 20% të kartonit të futbollistit ganez.
Çka do të thotë përfitime shtesë për transferimin e radhës së Frenklin nëse kalon nga Astana te një klub tjetër. Një lëvizje e zgjuar kjo e klubit korçar duke parë cilësitë e lojtarit si dhe duke pasur parasysh eksperiencën e mëparshme me Olainkën dhe futbollistë të tjerë.
Frenklin nga ana e tij ka nënshkruar një kontratë trevjeçare me ekipin e Astanës, teksa përfitimet individuale të lojtarit nuk bëhen me dije.
Burimi: Panorama Sport Online.
