Një ditë më parë policia njoftoi në deklaratë zyrtare se një 23 vjeçar nga Devolli ishte proceduar penalisht sepse kishte pluguar një sipërfaqe toke në Devoll. Pronari i së cilës nuk rezulton të jetë pronari i vërtetë.
Personi në fjalë, pretendon se i ka dëmtuar të mbjellat me çaj.
Por Enea Xhone i riu që plugoi atje thotë se po akuzohet pa të drejtë dhe qëllimisht nga Luli Zyfi. Ai tregon me foto dhe video se toka nuk ka qenë e mbjellë me çaj dhe nuk punohej prej 30 vitesh. Para se ta plugonte ai kishte folur me banorë të fshatit të cilët i kishin deklaruar që ta punonte pasi tokat ishin lënë të papunuara prej 30 vjetësh.
Pas kësaj në tokë ka mbërritur Luli Zyfi i cili ka pretenduar dëm pa pasur kulturë të mbjellë në tokë, bimën e çajit, dhe i ka kërkuar një shumë të konsiderueshme parash të riut.
Pasi ky i fundit ka refuzuar ai e ka kallëzuar në polici. Ja mesazhi i Enea Xhone:
“Luli Zyfi mua po më bie në qafë pa të drejtë, atë tokë e ka xhaxhai tij dhe ajo tokë kishte 30 vite pa mbjellë, unë kam folur me 1 person të fshatit Dobranj dhe i kam thënë shiko fol me njerëzi, ai më tha fola, por vazhdo puno se çdo gjë në rregull. Ok i thashë dhe fillova po punoja, si mbaruam punimet zotëria erdhi dhe më tha që më ke bërë dëm, çfarë dëmi i thashë, kisha tokën çaj më tha .. çaj nuk kishe i thashë por gjithsesi e rregullojmë i thashë, sa të bën dëmi, unë mendova 200 mijë lekë ai më tha 6 milion të vjetra, i thashë mos shfrytëzo nga rasti tani dhe ai shkoi më denoncoi pa lidhje dhe ka dhenë akuzë të reme.”
Tani mbetet e paqartë se ku u bazua policia e shtetit që nisi procedim penal ndaj të riut, kur në video shikohet qartë që çaj nuk ka dhe për pasojë nuk ka as dëm ndaj kallëzuesit të pretenduar, që është edhe toka e xhaxhait të tij.
