Ministri i Mrojtjes nëjherësh edhe drejtuesi i qarkut Korçë, Niko Peleshi, ka shpallur fitoren në Devoll të kandidatit të tyre, Eduart Duro.
Gjatë fjalës së tij Peleshi falenderoi të gjithë qytetarët që i besuan votën Partisë Socialiste, teksa theksoi se Eduart Duro do të punojë për të gjithë qytetarët njësoj pavarësisht bindjeve të tyre politike.
“Jo vetëm në qakrun tonë por në të gjithë Shqipërinë. Devolli sot tregoi që fitorja ka qenë këtu, ka qenë në zemrën e çdo devolliu. Unë kam patur gjithmonë besim këtë radhë ja dolëm, kanë qenë të gjithë bashkë, një grup i shkëlqyer që u bashkuan dhe vëtëm u bashkuan për një qëllim për të fituar Devollin. Ne fitoren nuk e duam për ca të nënës dhe ca të njerkës, për ne fitorja është për të gjithë. Devolli është i punës, njerëzit puëntorë të Devollit që janë më punëtorët në Shqipëri, nuk kanë se si të mos mbështesnin progresin. Mjafton që të ishin bashkë dhe fitorja do të shkonte aty ku duhej dhe unë këtu gjej momentin të falenderoj të gjithë për procesin, falenderoj komisionerët të dy krahëve, vëzhguesit, forcat e rendit”, tha Peleshi.
