Punime me intesitet të lartë janë duke u kryer në rrugën Korçë-Ersekë, ndërkohë që ditën e sotme ka rinisur asfaltimi i kësaj rruge nga ura e madhe e Qafës së Qarrit drejt fshatit Mollas, për të shkurtuar kohën e cila duhet të përshkrohet për të arritur drejt qytetit të Ersekës.
Është kryetari i bashkisë së Kolonjës, Erion Isai, që ka lajmëruar në rrjetin e tij social, në facebook, se punimet kanë rinisur, ndërkohë që pritet që kjo rrugë të përfundojë brenda muajit tetor.
Ky është postimi i Erionit Isait;
Dhe një hap më shumë drejt 18 minutëshit
Sot ka nisur asfaltimi i rrugës Korçë – Ersekë nga Ura e Madhe poshtë Qarrit deri në Mollas, duke përfunduar afro 70% të punimeve totale.
Turistët dhe vizitorët e shumtë që do të pushojnë këtë verë në Kolonjë nuk do përballen me pluhurin e baltën, ndërkohë që nuk mund të mos shpreh mirënjohjen dhe përulësinë për durimin e çdo kolonjari për përfundimin e punimeve dhe mbështetjen e plotë e të pakursyer të qeverisë.
