Policia e Korçës ka vënë në pranga dy shtetas 23-vjeçarë, të dyshuar si autorë të dhunës ndaj sulmuesit egjiptian të Skënderbeut, Saleh Naser.
Ngjarja ka ndodhur mesditën e së enjtes, kur dy të arrestuarit e kanë goditur disa herë në kokë lojtarin, duke i shkaktuar plagë të rënda. Fatmirësisht, gjendja shëndetësore e tij është jashtë rrezikut për jetën.
Ende nuk janë bërë të ditura motivet e sulmit. Sipas burimeve policore, janë proceduar penalisht edhe tre persona të tjerë që shoqëronin autorët e dyshuar. Pritet që Policia e Shtetit të publikojë komunikatën zyrtare mbi këtë ngjarje.
