Lavdari deri në vitet 90′ numëronte mbi 500 shtëpi. Ky fakt e bënte atë fshatin malor më të madh në zonën e Korçës.
Sot në vendin ku ishte fshati i vjetër jetojnë jo më shumë se 10 familje. Pjesa tjetër migruan në Korçë dhe fshatrat perreth, Tiranë etj. Rreth 30 familje kanë ndërtuar shtëpitë e tyre në vendin e quajtur Provad i cili njihet edhe si Lavdari i Ri.
Këta banorë merren kryesisht me bujqësi, blegtori dhe ndërtim. Diçka që ja vlen të përmendet për fshatin Lavdar është prania e një zone me fosile e cila mund të vizitohet shumë lehtë dhe është rreth 6 km larg nga Voskopoja.
Vitet e fundit vihet re një interesim i ish-banorëve që kthehen në vendlindje dhe investojnë, kryesisht në blegtori.
