Mbrëmë në teatrin “Andon Zako Çajupi” të Korçës për herë të parë vjen në një mbrëmje gala e gjithë krijimtaria muzikore dhe jo vetëm e Gaqo Jorganxhi, Zhuliana Jorganxhi si dhe Rikardos, Gjergjit, Hektorit, Lambertit dhe Dorinës, krijimtari muzikore e cila për gati 3 orë është duartrokitur gjatë nga artdashësit e shumtë korçare por të ardhur dhe nga kryeqyteti, për të përjetuar një mbrëmje si kjo.
Edhe për poeten dhe autoren e teksteve të shumta të këngëve shqiptare Zhuliana Jorganxhi një mbrëmje si kjo me kaq shumë emocione vjen për herë të parë në jetën e saj, emocione që vetëm Korça ti fal.
Hektor Leka si pjesë e familjes Jorganxhi jo vetëm vjen për herë të parë në Korçë në një mbrëmje artistike si kjo por për herë të parë që nga largimi prej Shqipërisë këndon ne një skenë të vendit mëmë.
Dorina Leka është brezi i katërt i kësaj familje të madhe të njohura korçare. Ajo ka ardhur enkas nga Italia për të kënduar në mbrëmjen gala të familjes Jorganxhi.
Edhe për të emocionet kanë qenë të forta.
Organizatorët e kësaj mbrëmje janë kujdesur për të sjellë në skenën e këtij teatri disa prej emrave më të njohur të krijimtarisë muzikore dhe kinematografise të qytetit të Korçës
