Komisioni i Disiplinës pranë FSHF ka pezulluar për 3 ndeshje futbollistin e Skënderbeut Dejvid Janaqin për atë çfarë ndodhi mes tij dhe Rrapajt në ndeshjen e luajtur pak ditë më parë me Partizanin.
Nga ana tjetër komisioni ka gjobitur klubin e Skënderbeut me 300.000 lek për hedhje të sendeve në fushë dhe sjellje të gabuar të tifozëve bardhëekuq.
Gjithashtu komisioni i disiplinës është ndaluar në ndeshjen e javës së kaluar Maliqi – Pogradeci e vlefshme për kampionatin kombëtar të kategorisë së dytë.
Portieri i skuadrës së Maliqit Dramolli është pezulluar për 4 javë për sjellje jo korrekte ndaj gjyqtarit të ndeshjes.
Komisioni ka paralajmëruar trajnerin e kësaj skuadre Erjon Beqiri se në rast përsëritje masat ndaj tij do të jenë më të ashpra.
