Kukësi-Skënderbeu 0-2
Shënues: Franklin 12’, Lika 38’
KUKËSI: Tafas, Lamçe, Lala, Zhongo, Reci, Fejzaj, Smajli, Mehmetllari, Rashiti (Momoh 36’), Beshiraj, Salami. Trajneri: Stavri Nica
SKËNDERBEU: Alia, Ramos, Prençi, Randi, Rabiu, Lika, Liço, Frashëri, Zenullari, Rashica, Franklin. Trajneri: Ivan Gvozdenoviç
Gjyqtare: Emanuela Rusta
Karton i verdhë: Reci
Ka përfunduar në këto momente pjesa e parë mes Kukësit dhe Skënderbeut me një Skënderbe super, pasi ka shënuar 2 gola deri tani dhe ka pasur raste pafund. Në 45 minuta Skënderbeu ka bërë “ligjin” te “Arena e Demave”, ndërkohë që Kukësi vetëm një rast në këtë pjesë, gjë që tregon se bardhekuqtë kanë më shumë dëshirë për fitore.
Është Franklin që shënoi brenda zonës që në minutën e 12-të dhe duket se çliroi bardhekuqtë që më pas nuk mbahen më.
Liço jep një asis për Franklin që edhe pse ka mbulimin e dy futbollistëve përsëri del përballë portës dhe shënon golin e avantazhit.
0-1 për Skënderbeun, ndërkohë që më pas është Skënderbeu që ka raste të pastra shënimi. Në minutën e 38-të Gresild Lika shënon një eurogol me një goditje dënimi dhe 0-2 për Skënderbeun.
Bardhekuqtë nuk mbahen më dhe shënojnë edhe të tretin me atë të Likës, por ka qenë Franklin në pozicion jashtë loje, 3 minuta para fundit.
Një pjesë e parë vërtet super për Skënderbeun dhe të presim pjesën e dytë të takimit, por Skënderbeu udhëheq 0-2 bindshëm në kryeqytet ndaj Kukësit.
Minutat dhe rastet e pjesës së parë
3’ – Dy goditje këndore radhazi për Kukësin. Te e para Liço largon topin me kokë dhe në të dytën është Prençi që largon rrezikun nga zona.
12’ – Është Frankin që merr një asis në zonë dhe atje gjuan tokazi duke shënuar golin e avantazhit.
18’ – Është Rashica që godet me kokë por jashtë kuadratit gjuajtja e sulmuesit.
26’ – Zenullari për Skënderbeun godet nga distanca, por topi përfundon jashtë kuadratit.
28’ – Beshiraj godet nga distanca, ka qenë Alia që grushton dhe më pas Zenullari largon rrezikun.
34’ – Gresild Lika jo njëherë, por dy herë brenda zonës bën më të vështirën. Përballë portës gjuan së pari, topi prek mbrojtësit. Më pas topi kthehet sërish te Lika që gjuan dhe grushton portieri Tafas.
38’ – Gresild Lika në një goditje dënimi nga 22 metra e “qep” me të djathtën e tij dhe topi prehet në rrjetë. 0-2 për Skënderbeun.
42’ – Lika shënon të tretin, por pozicion jashtë loje për Franklin dhe goli nuk vlen.
45+2’ – Liço godet mbi traun e portës kuksiane.
