Për të mos lejuar qarkullimin e mjeteve në lotin e dytë të rrugës nacionale nga maja e Qafës së Qarrit në drejtim të Ersekës, në të dyja anët e kësaj rruge janë vendosur forca policie si dhe punojës të ARRSH të cilët detyrojnë drejtuesit e mjeteve për të lëvizur në rrugën e vjetër e cila është e kalueshme pa probleme pasi është rrugë e mirëmbajtur nga firma komtraktore
Nga ana tjetër mjete borëpastruese të ndërmarrjes së shërbimeve në bashkinë e Korçës janë duke punuar për të hapur rrugën nga Vithkuqi në drejtim të Panaritit.
Vështirësia më e madhe paraqitet në majën e Mashkullorës, aty ku trashësia e dëborës shkon deri në 50 cm.
Te gjitha rrugët e tjera të njësive administrative Vithkuq e Lekas janë të hapura ashtu siç janë të hapura edhe rrugët rurale të njësive administrative Gore e Moglice në bashkinë e Maliqit.
Pa probleme paraqiten edhe rrugët e Devollit të Sipërm në bashkinë e Devollit.
Në Kolonje e Pogradec reshjet e dëborës janë minimale, vetëm në zonat e thella malore aty ku nga administratorët e zonave raportohet se rrugët janë të kalueshme me goma dimërore apo zinxhirë.
