DVP Korçë/Procedohet në gjendje të lirë 1 shtetase, për veprën penale “mashtrim”.
Specialistët për Hetimin e Trafiqeve të Paligjshme dhe Narkotikëve të DVP Korçë referuan materialet në Prokurori ku filloi procedimi në gjendje të lirë për shtetasen B. Z., 28 vjeçe, banuese në Pogradec, pasi më datë 02.05.2023, dyshohet se i ka marrë 1900 euro, një 44-vjeçari, duke e mashtruar.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
