Pas suksesit të vitit të kaluar, “Korça Serenights” rikthehet këtë shtator me edicionin e dytë, duke sjellë edhe një herë magjinë e netëve korçare në një format akoma më të pasur dhe emocional. Ky event artistik dhe kulturor, i vendosur në zemër të qytetit, premton të ofrojë një përvojë të paharrueshme për banorët dhe vizitorët e Korçës.
Organizatorët kanë bërë të ditur se shumë shpejt do të publikohen datat zyrtare, programi i plotë dhe emrat e artistëve të ftuar që do të japin zë, ngjyrë dhe emocion këtij udhëtimi muzikor dhe poetik nën dritën e hënës.
“Korça Serenights” synon të kthehet në një traditë të dashur për qytetin, duke përzier elegancën, ndjeshmërinë dhe frymën qytetare në një atmosferë unike që vetëm Korça di ta krijojë.
