25 vjeçari kosovar Liridon Balaj është futbollisti më i ri i cili vihet në dispozicion të Skënderbeut Ivan Gvozdenoviç.
Burime zyrtare pranë klubit korçar bëjnë të ditur se 25 vjeçari Balaj është sulmues krahu, lojtar të cilin serbi i pankinës korçare e ka thirrur për ta patur pjesë të ekipit
Liridon Balaj para se të vinte në Skënderbeut ka luajtur në kampionatin belg me ekipin e Deinze ashtu siç ka luajtur në Zvicër me ekipin e Arau e po ashtu në Kosovë me ekipin e Besës së Pejës.
25 vjeçari ka veshur për disa ndeshje edhe fanellën e ekipit kombëtar të Kosovës në vitin 2021.
Në transfermarket vlera e kartonit për lojtarin është vlerësuar me 200 mijë euro, gjithashtu mësohet se lojtari ka qenë i lirë që nga fundi i sezonit ndaj e për këtë kalimi në Skënderbeu ka qenë me parametra 0 dhe federimi nuk ka patur probleme zyrtare.
