Ekspozita vetjake “Vizatime nga Vendi i Jetës” nga Piktori i Merituar Anastas Kostandini, sjell në fokus evolucionin dhe bukurinë e Pogradecit ndër vite.
Kjo ekspozitë është dëshmi e procesit të evolucionit të qytetit, e proceseve psikologjike të vetë artistit dhe perceptimit të tij ndaj natyrës dhe njerëzve. Është një hartë shpirtërore historike e qytetit dhe një dëshmi e talentit të Anastas Kostandinit.
Anastas Kostandini, i njohur si “Taso”, numëron mbi 8 mijë vizatime në arkivën e tij dhe kjo është ekspozita e tretë që ai çel në Pogradec me këtë format.
Taso planifikon të sjellë së shpejti një ekspozitë tjetër, këtë herë me figurat publike të ekranit që ai ka realizuar. Kurator i kësaj ekspozite është artisti pogradecar, Henri Shkurti.
Kjo ekspozitë ofron një vështrim unik në histori, psikologji dhe natyrë, duke përfaqësuar një dëshmi të veçantë të talentit të piktorit dhe lidhjes së tij me qytetin e tij të lindjes.
