Si rezultat i bashkëpunimit të ngushtë ndërmjet strukturave të Interpol Tiranës dhe Interpol Athinës, u finalizua procedura e ekstradimit nga Greqia në Shqipëri të shtetasit D. M., 39 vjeç, banues në Korçë.
Ky shtetas ishte shpallur në kërkim ndërkombëtar, pasi në muajin shkurt 2025, Gjykata e Korçës i kishte caktuar masën e sigurisë “Arrest në burg” për veprën penale “Vrasja me dashje”.
Sipas hetimeve, më datë 04.02.2025, në lagjen nr. 2 të qytetit të Korçës, D. M. ka tentuar të vrasë për motive të dobëta shtetasin E. Sh., 40 vjeç, duke e goditur me thikë në kraharor.
Pas ekstradimit, specialistët e Sektorit për Hetimin e Krimeve të Rënda në DVP Korçë kryen të gjitha veprimet procedurale për ekzekutimin e vendimit penal të Gjykatës.
Autoritetet theksojnë se bashkëpunimi ndërkombëtar nëpërmjet Interpolit mbetet një ndër mekanizmat më efikas në luftën kundër krimit dhe në kapjen e personave në kërkim.
