Bashkitë e juglindjes së vendit me mjetet që kanë e kanë të pamundur të përballojnë Emergjencat civile në stinën e dimrit me reshje të shumta dëbore dhe në stinën e Verës me zjarret në zonat pyjore.
Kryetarët e bashkive Maliq dhe Kolonjë, Gëzim Topciu dhe Erion Isai e pranojnë mungesën e mjeteve borëpastruese dhe ato të shërbimit zjarrfikës ashtu siç pranojne se vitet e fundit ka një farë përmirësimi por thanë se duhet me tepër vëmendje ndaj institucioneve të pushtetit lokal.
Nga ana tjetër drejtori i përgjithshëm i Emergjecave Civile Haki Çako ka pranuar problematikën duke siguruar se shqetësimet e ngritura nga ana e kryebashkiakeve do të jenë pjesë e diskutimeve të ministrisë së linjës e ne veçanti të asaj të financave.
Qarku i Korçës vitin e kaluar është përballuar me situata të emergjencave civile kryesisht në zonat e thella malore, ku jo pak herë rrugët rurale kanë qenë të bllokuara nga reshjet e dëborës dhe situata nga zjarret ka qenw e rëndë për shkak të terrenit malor dhe pamundësise të mjeteve për të shkuar në vendngjarje.
