Deputeti i PD Ervin Salianji nga Korça ka shigjetuar jo pak kryetarin e Partisë Demokratike Lulëzim Basha, i cili sipas Salianjit ka dëmtuar rëndë partinë për shkak të interesave personale që ka përfituar nga pushteti.
“Janë të përçarë për shkak të disa ish drejtuesve që në mënyrë të pamerituar kanë marrë pushtet në kohën e PD por pushtet e në mënyrë brutale po e dëmtojne opozitën për interesa personale e ky është një prej personave kryetari me vulë.” – tha Salianji.
Salianji ka komentuar gjithashtu edhe vendimin e gjykatës kushtetuese e cila rikthen edhe njëherë tjetër në gjykatën e apelit çështjen e logos dhe vulës të partisë me te madhe opozitare në vend.
“Fatmirësisht për shqiptarët por jo e aq mirë për ne është se gjykata e la prap varur e ja hoqi vulën atij që e kishte deri më sot, ja ktheu prap vulën aty ku duhet dhe besoj do kenë një vit kohë për tu marre ku do shkoje vula e ku do mbetet” – thotë Ervin Salianji.
Deputeti i PD u ka bërë thirrje gjithë demokratëve të bashkohen për të rikthyer këtë forcë politike në pushtet ashtu siç nuk ka dashur të bëjë komente kur është pyetur lidhur me një garë që mund të hapet pas arrestimit të mundshëm të liderit të PD Sali Berisha.
“Mendoj që ka ardhur momenti që të bëhemi të gjithë bashkë, të forcohemi, të rrimë në terren, të flasim për problematikat e qytetarëve, po e rithem, gjykata kushtetuese nuk e pranoi kërkesën e avokatëve dhe Korça si shumë qytete do jetë pa gjykatë apeli. Do shtrenjtohen kostot, kështu ka ndodhur me dhjetra institucione, biznesef që do paguajnë TVSH, ju gazetare do paguani 23% qw paratë të merren e ndahen me grup shokësh“- thotë Salianji.
Sipas Salianjit, Partia Demokratike jo vetëm është e gatshme për të shkuar në zgjedhje të parakohshme por e për të rrëzuar nga pushteti Edi Ramën.
“Ne i kërkojmë zgjedhje të parakohshme në çdo moment, ne jemi të gatshëm të fitojmë. Zgjedhje si herën e parë ku u shfrytëzua përçarja e PD dhe vjedhja, nuk do ndodhë më. Kemi gjithë artilerinë për të mposhtur qeverinë” – shprehet ai.
Te gjitha këto Ervin Salianji i tha nga Korça pas një takimi që ka pasur me strukturat drejtuese lokale si dhe simpatizantë të kësaj force politike
