Natën e ndërrimit të viteve do të ishte gazetari Xhensil Shkëmbi, ai i cili do të transmetonte lajmin për gjendjen e trishtë të familjes Neziri në Panarit të Korçë.
Prefekti i qarkut të Korçës, Nertil Jole, mori indicie për të ndërtuar shtëpi të re për këtë familje. Së bashku me fondacionin “Shpresë për Shqipërinë” dhe Larti sh.p.k., sot shtëpia e re e familjes Neziri është drejt përfundimit, me kushte bashkëkohore për të qenë një strehë e denjë për 10 persona.
https://m.facebook.com/story.php?story_fbid=6466537160082134&id=100001777437613&mibextid=Nif5oz
Ja postimi i Nertil Joles;
Dikur jetonin në kushte shumë të vështira, në një ngrehinë me gurë që ishte gati të shembej, pa kushtet minimale, ndërsa sot kanë një shtëpi të re, në të cilën do të hyjnë në shtator pasi të ketë përfunduar plotësisht. Isha dje në fshatin Panarit të Korçës, për të parë nga afër ecurinë e punimeve për banesën e re të familjes Neziri me 10 anëtarë, 7 fëmijë, dy prindër dhe gjyshja.
Në fund të vitit të kaluar pasi ndoqa një kronikë televizive (https://youtu.be/FBVsLiu04pc) që pasqyronte kushtet e vështira të jetesës së kësaj familjeje, kontaktova një donator i huaj, i cili së bashku me ndihmën e dy subjekteve private, ranë dakord t’i ndërtojnë nga e para banesën e familjes Neziri.
Ishin z.Peter Brugman (fondacioni “Shpresë për Shqipërine”), firma ndërtuese “Rebeka Sh.p.k”, që zbatoi punimet dhe firma “Larti sh.p.k.”, të cilët kontribuan dhe ndihmuan për t’iu kthyer buzëqeshjen anëtarëve të familjes Neziri. Projekti u realizua nga inxhinierë të Drejtorisë Rajonale të ARRSH (Korçë), dhe punimet që filluan në muajin Prill, kanë ecur shumë mirë.
Pritet tani suvatimi i brendshëm, lyerja, veshja e dyshemesë, instalimi i linjës elektrike e hidraulike, dhe në fund arredimi i shtëpisë, ku do të banojnë fëmijët me prindërit dhe gjyshen e tyre.
Ndërkohë që familja jeton në një banesë tjetër në fshat, është ndihmuar me ushqime dhe veshje nga organizata bamirëse DORCAS në Korçë, falë edhe kujdesit e ndihmës të mesuesit Spartak Laze. Vetëm duke u solidarizuar të gjithë bashkë, mund të bëjmë punë të mira që iu vijnë në ndihmë njerëzve në nevojë.
Falenderim dhe mirënjohje atyre që iu përgjigjën pozitivisht ftesës sonë për të ndihmuar këtë familje të madhe!
