Për të 16 vit bashkia e Maliqit organizon panairin e Ëmbëlsirave, Prodhimeve Bujqësore Blegtorale dhe Bletërritësve, panair ky që synon jo vetëm ruajtjen e gatimeve tradicionale të zonës, të kërkuara aq fort nga turistët vendas e të huaj.
Kryetari i Bashkisë Maliq Gëzim Topçiu tha se shumë shpejt do të ketë një linjë të prodhimit të Zahireve dhe rikthimin e tregut të fruta perimeve në fshatin Pirg, ku fermerët do të kenë mundësi të tregtojnë dhe lidhin kontrata me grumbullues të mëdhenj në kushte të favorshme e jo rrugë.
Nikolao Stavrelis, kryetari i bashkisë së Korinthit në Greqi, I pranishëm në këtë panair së bashku me një grup artistik tregoi se prej disa vitesh dy institucionet e pushtetit lokal po punojnë për ngritjen e urave të bashkëpunimit për prodhimet artizanale dhe bujqësore.
“Unë vij për të disatin vit rrdhazi në Maliq, më tepër sesa për këngë e valle vijmë për të marrë ushqimet bio e për ti çuar drejt bizneseve greke. Ne fakt ne kemi arritur një bashkëpunim me bashkinë e Maliqit dhe po punojmë që të krijojmë ura bashkëpunimi që produktet e kësaj zone të vijnë në bashkinë tonë e shiten, sepse për të qenë të sinqertë, janë shumë të mira”.
Fusha e Maliqit është fusha e dytë me e madhe në vend, fermerët e kësaj fushe kanë rendimente të larta në kultura të ndryshme bujqësore duke filluar me grurin, misrin, qepët dhe pataten.
