Ardhja e emigrantëve për të kaluar festën e Pashkës në juglindje të vendit ka sjellë trafik të rënduar jo vetëm në aksin rrugor Kapshticë – Qafë Thanë por akoma më tej trafiku është rënduar edhe në qytetet e Korçës dhe Pogradecit.
Për të normalizuar situatën drejtoria vendore e qarkut të Korçës ka marrë masa duke shtuar patrullat në aksin nacional si dhe forcat e policisë në dy qytetet kryesore.
Policia është vendosur kryesisht në rrugët e bulevardet kryesore të këtyre qyteteve ndërkohë që në Korçë ka forca të shtuara policie më së shumti në Bulevardin “Republika” si dhe pranë katedrales ortodokse dhe Pazarit të vjetër të këtij qyteti, aty ku lëvizjet janë më të shumta.
Masa të shtuara do ketë edhe në natën e meshës se madhe te Pashkës në katedralen “Ringjallja e Krishtit”
