Prej 5 vitesh në Leskovik, në trevën e njohur të juglindjes së vendit organizohet Festivali Kombëtar Tipologjik i Sazeve
Këtë vit ndryshe nga vitet e tjera, pjesë e këtij festivali janë bërë emrat më të njohur të instrumentave popullore mes të cilëve Bashkim Hoxha i “Bilbilave të Vrionit” dhe Aleks Xhelili, klarinentisti i njohur kolonjar. Ata tregojnë se sazet mund të përkufizohen si jeta e tyre.
Instrumentisti i njohur Fatos Qerimi, pjesë e jurisë së këtij festivali është shumë i kënaqur për vëmendjen e treguar ndaj sazeve të muzikës burimore shqiptare.
Për kryetarin e bashkisë së Kolonjës Erion Isai dhe drejtorin e festivalit Niko Kotherja, sazet janë rikthyer në Leskovik, aty ku dhe kanë origjinën e tyre.
Festivali sipas organizatorëve është menduar të zgjasë 3 netë, dy në Leskovik dhe nata finale në shesin kryesor të Ersekës, në trevën e cila është shumë e njohur për sazet popullore
