Në qytetin e Maliqit ka nisur zyrtarisht puna për asfaltimin e 6 rrugëve të rëndësishme, një ndër investimet më të mëdha të këtij viti në infrastrukturën urbane. Projekti realizohet në bashkëpunim mes Bashkisë Maliq dhe Fondit Shqiptar të Zhvillimit, si pjesë e programit të rehabilitimit të rrugëve të brendshme për vitin 2025.
Ky investim parashikon jo vetëm shtrimin me asfalt të rrugëve, por gjithashtu ndërtimin e trotuarëve, sistemin e ndriçimit modern, gjelbërimin e hapësirave publike dhe kanalizimet e ujërave.
Lajmi është bërë i ditur nga kryetari i Bashkisë Maliq, Gëzim Topçiu, i cili theksoi se ky projekt është dëshmi e angazhimit të vazhdueshëm për përmirësimin e infrastrukturës dhe cilësisë së jetesës për qytetarët.
“Çdo lagje, çdo rrugë, çdo banor meriton standarde moderne jetese. Puna vazhdon dhe nuk ndalet,” u shpreh kryebashkiaku Topçiu.
