Historia e dashurisë së çiftit Tefta Tashko me Kristaq Koçon është shfaqur mbrëmë në teatrin “Andon Zako Çajupi”, film ky që ka tërhequr vëmendjen e madhe të korçarëve, të cilët kishin mbushur sallën e këtij teatri.
Skenaristja Angjelina Papalilo tregon se ja ka dalë të sjellë në këtë film të gjitha letërkëmbimet e çiftit gjatë kohës së dashurisë së tyre, kur Tefta ndodhej në Paris dhe Kristaqi në Bukuresht. Një histori që askush nuk e kishte përjetuar si ata të dy.
Edhe për regjisorin e njohur Ylli Pepo, historia e çiftit Koço është tejet interesante, ndaj e per këtë të gjithë grupit të xhirimit dhe konsulentëve u janë dashur të bëjnë kujdes për të sjellë në film deri në detajet më të vogla për çiftin që për fatin e keq, nuk jetuan gjatë.
Për realizimin e këtij filmi, krahas skenaristes Angjelina Papalilo dhe regjisorit Ylli Pepo, kanë punuar si konsulent djali i vetëm i çiftit Koço, Eno Koço dhe muzikologu i njohur Pandi Bello.
