Nesër, më 15 qershor, në orën 12:00, në sallën e bibliotekës “Skënder Luarasi” në Ersekë, do të shfaqet filmi “Mbjellja e Pemës”.
Ky film, nga regjisori Fabio Seferi, është një produksion i vitit 2021, realizuar nga Qendra Kombëtare e Kinematografisë së Shqipërisë. Me një kohëzgjatje prej 30 minutash, filmi përfshin një kast aktorësh të shquar si Luiza Xhuvani, Kastriot Caushi, Alert Çeloaliaj dhe i ndjeri Gulielm Radoja, për të cilin ky ishte filmi i fundit.
Një nga pikat kulmore të filmit është performanca e aktorit të ri Roerd Toçe në rolin kryesor. “Mbjellja e Pemës” tregon historinë e një djaloshi që burgoset gjatë periudhës së komunizmit, pasi kapet duke lexuar një libër të ndaluar. Filmi përshkruan vuajtjet e tij në burg dhe sakrificat e nënës së tij për të kontaktuar me të.
