Skënderbeu vijon pozitivisht përgatitjet verore, duke marrë një tjetër fitore në serinë e miqësoreve. Pasditen e djeshme, korçarët mposhtën Pogradecin në një duel tradicional juglindor, me shifrat 0-2 në stadiumin “Gjorgji Kyçyku”.
Pas kësaj ndeshjeje në transfertë, skuadra është rikthyer sot në Korçë për të vijuar me përgatitjet. Testi i radhës do të jetë këtë të shtunë, më 9 gusht, kur bardhekuqtë presin Vorën në stadiumin “Skënderbeu”.
Ndeshja do të luhet në orën 19:00 dhe do të shërbejë si një tjetër provë force për skuadrën përballë një kundërshtari nga elita e futbollit shqiptar.
