Drejtoria Vendore e Policisë Korçë
Komisariati i Policisë Maliq arrestoi në flagrancë shtetasin K. H., 36 vjeç, banues në fshatin Pojan, Maliq, me probleme të shëndetit mendor, pasi dyshohet se i ka vënë zjarrin kontenierit ku banonte. Si pasojë janë shkaktuar vetëm dëme materiale.
Komisariati i Policisë Devoll referoi materialet në Prokurori ku filloi procedimi penal për shtetasin S. A., pasi dyshohet se ka zaptuar një sipërfaqe toke në pronësi të një 64-vjeçari, në fshatin Vishocicë, Devoll.
Seksioni për Hetimin e Trafiqeve të Paligjshme referoi materialet në Prokurori, ku filloi procedimi penal për shtetasin D. S., 43 vjeç, banues në fshatin Golem, Lushnjë, pasi në aksin “Dardhë-Korçë”, duke drejtuar një automjet furgon, në momentin që është ndaluar nga shërbimet e Policisë, iu ka ofruar atyre një shumë parash. Në një distancë rreth 1.5 km nga vendi i ndalimit të këtij shtetasi, u konstatuan 7 shtetas të huaj nga Vendet e Treta, të cilët dyshohet se 43-vjeçari do t’i transportonte drejt Tiranës, kundrejt pagesës.
Materialet procedurale i kaluan Prokurorisë pranë Gjykatës së shkallës së Parë të Juridiksionit të Përgjithshëm Korçë.
