Gjykata e Larta ka vendosur të lërë në burg Fredi Belerin.
Fredi Beleri kërkoi ndryshimin e masës së sigurisë ‘arrest me burg’ në të cilën ndodhet prej 12 majit kur dhe u arrestua për akuzën e shitblerjes së votës. Gjykatat e tjera e kanë rrëzuar në 5 raste kërkesën e tij për t’u liruar ndërsa për herë të parë kjo masë sigurie u shqyrtua sot në Gjykatën e Lartë.
Kandidati i koalicionit “Bashkë Fitojmë”, Fredi Beleri, u arrestua mesnatën e 12 majit nën akuzën e korrupsionit aktiv në zgjedhjet apo blerjes së votave. Një person bashkëpunoi me policinë dhe prokurorinë e Vlorës për dokumentuar faktin e akuzës, ai u pajis me logjistikën e nevojshme, që nga regjistruesi.
I infiltruari arriti të merrte shumën prej 40 mijë lekëve të reja në kërkim të 8 votave në favor të Belerit. Beleri u shpall fitues nga qelia në zgjedhje, por betimi i tij nuk u krye asnjëherë për të marrë detyrën.
