Fundjava në Korçë me fluks vizitorësh si parathënie e një sezoni të mbarë turistik.
Sezoni i ri turistik, siç është krijuar një lloj tradite tashmë, çelet zyrtarisht në Korçë me festën e karnavaleve që zhvillohet në datën 3 qershor.
Por, Shqipëria sipas treguesve ka një numur gjithnjë e në rritje të pushuesve, siç e kanë treguar statistikat, me 1.7 milion të tillë vetëm në katër muajt e parë të këtij viti.
Batyrisht që Korça dhe rajoni i saj, si një nga destinacionet kryesore të vizitueshme në vendin tonë, nuk mund të bëjnë përjashtim në hartën turistike. Fundjava që sapo kaloi e tregoi këtë, me një fluks të kënaqshëm pushuesish, të huaj dhe shqiptarë, këta të fundit kryesisht nxënës shkollash nga qytete të ndryshme të vendit.
“Korça ka qenë këto ditë plot me turistë të huaj nga vende të ndryshme të botës të cilët janë të mrekulluar nga historia, tradita dhe mikpritja korçare” shkruan ndërkaq kryetari i bashkisë Sotiraq Filo.
Dhe kjo panoramë vjen si parathënie e një sezoni të mbarë turistik për Korçën ende pa filluar mirë sezoni i këtij viti.
