Gjergj Luca në një komunikim me Kolibri.al ditën e sotme është shprehur se fabrika në Maliq është mbyllur për shkak të numrit të ulët të punëtorëve në sezonin e verës ndërkohë që kjo për të nuk do të thotë mbyllje përfundimtare. Sipas tij, fabrika do të rihapet përsëri, e për këtë ai mirëpret punojës nga gjithë fshatrat e bashkisë Maliq, të cilët do të paguhen me pagë dinjitoze.
Luca shton se rroga minimale në 8 orë punë do të jetë +450 mijë lekë të vjetrave, rrogë kjo e cila do të rritet me vjetërsinë e punës.
Nga ana tjetër, lajmin për mbylljen tërësisht të FISH CITY në Maliq ia e përgënjeshtron, duke u shprehur se restoranti vazhdon të jetë i hapur e është në situatën e tij më të mirë.
Luca pranon problemin me mungesën e puntoreve por e justifikon atë me sezonin e verës, atehere kur dhe banorët e fshatrave janë të mbingarkuar me punët sezonale në Greqi dhe blektori e bujqësi.
Fabrika ka nevojë për afro 200 punojës, e për ata që janë të interesuar Luca u kërkon të interesohen pranë ambienteve në Maliq.
Transporti ofrohet falas nga vet kompania për ata të cilët jetojnë në fshatra.
