Gjimnazi i Përgjithshëm “Themistokli Gërmenji” ishte parashikuar për t’u hapur në fillim të sezonit arsimor, por mesa duket vonesat e punimeve nga ana e firmës private por dhe burokracitë e shumta nga ana e Mimistrisë së Arsimit dhe bashkisë së Korçës kanë bërë që kjo shkollë të mos hapet ditën e parë të shkollës për këtë vit.
Kolibri.al ka kontaktuar me përfaqësues të Ministrisë së Arsimit dhe të bashkisë së Korçës, të cilët janë shprehur se shkolla pritet që të hapet brenda muajit tetor, atëherë kur pritet të përfundohen dhe punimet.
Ndërkohë që nxënësit e kësaj shkolle janë duke marrë mësim në një shkollë tjetër dhe pritet që brenda muajit tetor të rikthehen në gjimnazin i cili do të jetë tejet ndryshe nga vite më parë. Tani më gjimnazi “Themistokli Gërmenji” do të jetë me një formë dhe pamje tejet moderne.
