Çmimi i grurit edhe këtë vit në juglindje të vendit është shumë i ulët, aq sa nuk justifikon koston e prodhimit.
Në qoftë se një vit më parë një kilogram grurë shitej deri në 26 lek, këtë vit në maksimum shkon 22 lek për kilogram
Në kushte të tilla, fermerët që kanë mundësi magazinimi nuk do nxjerrin në treg sasinë e prodhuar me shpresën se në vijim mund të ketë rritje të çmimit. Të tjerët që nuk kanë mundësi magazinimi, do jenë të detyruar ta shesin nën kosto. Ajo çfarë i shqetëson fermerët e fushës është mungesa e tregut dhe shumë më tepër se kaq sasia e madhe e grurit që vjen nga importi
Skënder Hamzaj është një nga fermerët superpotenciale të fushës së Maliqit. Ai tha se ka akoma të pa shitur sasi të grurit të dy viteve të fundit. E gjithë kjo sipas tij ka ardhur për shkak të çmimit të ulët dhe mungesës së tregut.
Këtë vit më çmimin aktual është i falimentuar.
Në vitin 2023 në fushën e Maliqit kanë qenë të mbjella 4000 hektarë me grurë, ndërsa këtë vit 3300 hektarë. Ulja e sipërfaqeve ka ardhur për mungesë të tregut dhe çmimit shumë të ulët të grurit.
