Një nga mrekullitë natyrore të Qarkut të Korçës është Guri i Capit, një formacion i veçantë shkëmbor që tërheq gjithnjë e më shumë vizitorë vendas dhe të huaj. I pozicionuar mes Korçës dhe Devollit, ky monument natyror përfaqëson një konglomerat shkëmbi ranor me formë të pazakontë, e cila është krijuar ndër vite nga ndikimi i erozionit dhe erës.
Për nga përmasat dhe pamja madhështore, Guri i Capit është kthyer në një pikë tërheqëse për turistët që vizitojnë zonën, duke ofruar një peizazh të rrallë dhe një eksperiencë unike për ata që duan të shijojnë bukuritë natyrore të juglindjes së vendit.
Autoritetet vendore e konsiderojnë këtë vend si një destinacion me potencial të madh turistik, pjesë e trashëgimisë natyrore që duhet ruajtur dhe promovuar.
