Presidenti i Federatës Shqiptare të Futbollit, Armand Duka, foli për situatën aktuale në Superiore.
Në prag të takimit, Egnatia-Elbasani, ai u shpreh se gara është shumë e fortë, sidomos për mbijetesën.
I pyetur për “Final Four”, Duka e la të hapur mundësinë se ajo mund të ndryshojë nga sezoni i ardhshëm.
“Sidomos pjesa e dytë e tabelës është vërtetë interesante, mund të ndryshojë pas çdo takimi renditja. Siç pamë dje që dy skuadra nga fundi, Skënderbeu fitoi në transfertë dhe Bylisi kundër Vllaznisë, Teuta barazoi me Dinamon. Dhe nga vendi i gjashtë deri në të dhjetë, nuk mund të parashikosh asgjë. Është interesant, presim deri në fund se kush do të jetë verdikti final”.
A do jetë përsëri formula me “Final Four”?
Të përfundojë një herë e pastaj do të bisedojmë dhe do të shohim se cila do të jetë skema e vitit tjetër, bashke me vetë aktoret, pjesëtarët e Ligës Profesioniste të klubeve shqiptare”, tha Duka, duke dhënë sinjale se ekziston mundësia e ndryshimit të saj.
