Sot është një biznesmen në SHBA, por në vitin 1989, gjatë periudhës së komunizmit, Beqir Potka vendosi që të arratisej në moshën 23-vjeçare.
“Jam arratisur më 8 shkurt të vitit 1989. Ishte 23 vjeç. Familja ime ka qenë e persekutuar që kur filloi komunizmi të hynte në fuqi. Vëllai i gjyshit ishte në Amerikë, shkoi në emigrim rreth 1920-s. Punoi dhe i dërgonte paratë në Shqipëri gjyshit tim. Gjyshi im i investonte, blinte toka pjellore, i lëshonte me qira dhe pas reformës agrare na morën tokat. Isha 7 vjeç kur isha në fshat dhe ma arrestuan babain.Rashë dakord me një kushëririn tim, duhet të gjenim mënyrën. Kishim një ushtar në kufi, në malin e Grazhdanit, marrim ushtarin me vete dhe arratisemi. Pasi ndenjëm 3 ditë në male, mbaruan biskotat që kishim, gjithçka. Pasi hymë në tokën helene, atje ishte akoma një gjë më e keqe, se nuk e dinim, ishim 32 shqiptarë në të gjithë Greqinë. Ushtria na mori në pyetje. Nuk na torturuan. Pas kësaj, aplikova që të shkoja si refugjat në Shtetet e Bashkuara. 16 muaj pas qëndrimit në Greqi, ambasada amerikane na aprovon që të shkojmë si refugjatë në Amerikë”, theksoi Beqir Potka
Potka me pas do të instalohej në USA, për t’u bërë një nga kontribuuesit më të mëdhenj të atdhetarizmit dhe ndihmës për shtetin shqiptar. Sot Beqir Potka është një familjar, bashkëshort i mirë, baba i mirë, biznesmen i mirë dhe njeri i mirë.
Njihet si një nga njerëzit që ka ndihmuar me dhjetra shqiptarë në USA, aty ku ka dhe bizneset e tij të suksesshme në shumë fusha, kryesisht tregti
