Një ngjarje tragjike ka tronditur fshatin Mëmlisht në Pogradec, ku një këmbësor me emrin Ilir Mimini, ka humbur jetën pas një aksidenti të rëndë. Të njëjtin fat ka pasur edhe babai i tij, i cili humbi jetën në të njëjtin vend 25 vjet më parë, pasi ishte përplasur nga një automjet.
Aksidenti i sotëm ka ndodhur në një zonë të njohur të fshatit, ku një mjet ka përplasur viktimën për vdekje. Policia ka njoftuar se mjeti që shkaktoi aksidentin është gjetur dhe është në procedurë hetimore për të zbardhur të gjitha detajet e ngjarjes. Hetuesit janë duke punuar për të përcaktuar shkaqet dhe rrethanat që çuan në këtë aksident tragjik.
