Pandi Raidhi është padyshim një nga aktorët më të mëdhenj të filmit dhe skenës shqiptare.
Korçari i njohur ka luajtur si pak kush mbi 100 filma duke mbetur një prej aktorëve më të dashur për publikun shqiptar.
Raidhi mbi të gjitha shquhej për karakterin e tij të fortë, për batutën dhe interpretimin brilant.
Ai ishte aq i ngrohtë po aq sa ishte dhe njerzor në film, teatër ashtu siç ishte i tillë dhe në jetën e përditshme.
Batutat e tij në filmat shqiptarë edhe sot janë pjesë e fjalorit të përditshem edhe tek brezi më i ri, çka tregon se filmat me aktorin e njohur korçar janë të ndjekur edhe sot.
Producentja Merita Çoçoli tregon se gjatë gjithë punës së saj për të sjellë këtë dokuemntar i ka bërë një pyetje vetes, çfarë e bën kaq fort te suksesshëm këtë aktor për afro gjysmë shekulli? Por duket se familja, dashuria që i ka falur aktorit e ka bërë ate të ishte i tillë.
Për aktoren Rajmona Bulku korçari Pandi Raidhi ishte brilant. Ai të krijonte një klimë të ngrohtë partneriteti në rol si askush tjetër, e gjithë kjo vinte për atë se Raidhi ishte natyral në interpretim
Donika Raidhi, vajza e aktorit të madh tregon se që kur ishte e vogël babai e merrte me vete në skenë, madje ajo thotë se e ndihmonte pas skenës edhe për veshjen. Jam shumë e lumtur që i përkas familjes Raidhi pasi babai na la një mbiemër të madh.
Dokumentari për aktorin Pandi Raidhi është ndjekur me mjaft interes nga artdashësit korçare në sallën e teatrit “Andon Zako Çajupi”
