“Joan Pagëzori” IN 6683, me autor anonim.
Kjo ikonë e pikturuar në vitin 1778, vjen nga fshati Leusë, Përmet.
Ikona me përmasa 58.5 x 82 cm ka qënë vendosur në ikonostasin e një prej kishave të këtij fshati. Joan Pagësori paraqitet më këmbë dhe me flatra nësfondin e një peisazhi me kodra dhe pemë, poshtë tij në të majtë paraqitet pjata me kokën e tij të prerë ndërsa në të djathte, është pikturuar pema me degën e prerë dhe sopatën e varur në të.
Në bishtin e kësaj të fundit shpaloset një pergamen i hapur. Shenjtori i cili qëndron në një sfond të artë ka veshur lëkurë deveje në ngjyrë të purport dhe një mantel të gjelbër, pjesa e brendshme e tij është në ngjyrë blu. Vizatimi i figures është mjeshtëror, draperia shpaloset plot dinamizëm dhe gjestura e shenjtit plot elegance.
Me dorën e djathtë bën shenjën e bekimit ndërsa në të djathtën mban një gotë që simbolizon kupën e kungimit. Brenda saj është pikturuar Krishti fëmijë me mbishkrimin
“Ky është qingji i Perëndisë që mbart mëkatin e botës. Po në këtë dorë Pagëzori mban një pergamen të hapur ku shkruhet “Pendohuni se po afron mbretëria e qiejve”
Ikona paraqiste problematika në të gjithë komponentët e saj. U trajtua suporti i drunjtë, shtresat e shkëputura të gruntit dhe pictures dhe në fund u largua verniku i degraduar. Pas këtyre nderhyrjeve dolën në pah vlerat origjinale të veprës.
