Një tjetër sukses për atletikën korçare! Mesditën e djeshme, në edicionin e 9-të të “Tirana Marathon 2025”, atleti i klubit “Skënderbeu”, Ilir Këllezi, shkëlqeu me një paraqitje të jashtëzakonshme, duke siguruar vendin e parë në garën maratonë (42.195 m) për kategorinë e atletëve shqiptarë.
Me një ritëm të qëndrueshëm dhe performancë të lartë fizike, Këllezi la pas shumë konkurrentë nga vende të ndryshme të botës, duke e vulosur edhe një herë emrin e tij mes më të mirëve të këtij sporti.
Ky është një tjetër trofe që i shtohet koleksionit të fitoreve të atletit korçar, i cili prej vitesh përfaqëson me dinjitet klubin “Skënderbeu” në arenën kombëtare dhe ndërkombëtare.
Një fitore që nderon sportin korçar dhe motivon brezat e rinj të ndjekin pasionin për atletikën.
